2013 resolution

الموضوع متأخر 9 أيام …بس It’s never too late

 أخيراً 2012 أنتهت ، بكل القرف اللي كان فيها و كل الحاجات الحلوة اللي عدت عليها . و بعيداً عن التقييمات ..في سنة جديدة ، الواحد متحمس ليها – إحم بيغصب نفسه أحياناً – و عشان كده قررت أكتب شوية من أهداف السنة الجديدة …عشان أشوفها و هي بتتحق  و أفضل أرجع للتدوينة دي :

You don’t have to see the whole staircase, just take the first step.

Martin Luther King  , Jr.

لا يجب أن ترى الدرج بأكمله ، فقط أخطو خطوتك الأولى .

مارتين لوثر كينج

كلمات مارتن لوثر كينج بتطمني على أني طبيعية ..لأني فعلاً مش شايفة الدرج كله . بس شايفة خطوات أولى

كمان أنا قررت بيني و بين نفسي أني أخلي الرحلة ممتعة ، و ما شغلش بالي كتير بنهاية الرحلة اللي في علم الغيب .

و لما عصرت دماغي لاقيت أنه الحياة بتتقسم لدواير : ـ :

روحانية   ♥
مادية   ♥  
علاقات  ♥ 
 عمل / دراسة   ♥
صحية  ♥ 
     عقلية  ♥
 

و أكتشفت أنه تقريباً أسعد لحظات الإنسان لما بيبقى فيه توازن بين الدوائر دي …كل إنسان عنده دائرة من الدوائر دي في الطليعة …في حالتي : دائرة الدراسة و الدائرة العقلية هي الدوائر اللي أنا بتسند عليهم …و بيقوموا باقي الدوائر …أو يوقعوا باقي الدوائر .

و لهذا هدف السنة دي هيبقى : التــــــوازن

التوازن ده هو أصل الكون …

التوازن هو دورة الحياة ..

التوازن هو أصل الوجود

و سبب ثورته في أغلب الأحيان .

و لهذا هحط أهداف السنة الجديدة متوازنة كما آمل :

:روحانية    ♥
          1.أبقى Yogi 
2.أدرس تفسير ابن عربي للقرآن 
3. اقرا 10 من فصوص الحكم 
4. أعلم أطفال .
5. Declutter & و تبسيط العيشة و اللي عايشينها
6.  عايزة أبقى مبتسمة و متفائلة و بشوشة ( ده هدف في حد ذاته ) هع
7. أشع ده …و أبهج اللي حوليه – و ده هدف في حد ذاته –  هع هع
 
   :مادية     ♥
1.حيث أني دايماً مفلسة ..هدفي أني أبقى ناصحة و معايا فلولس دايماً.
                                                                                                                                                                                                                                                          : علاقات    ♥ 
1. يبقى في عدد أكتر من ” الأصدقاء المقربين ” مش أصدقاء عاديين.
2. أقوي علاقتي بأهلي و أقاربي .
3. أتواصل أكتر مع أصدقائي
                                                                                                                                                                                                                                               عمل / دراسة  
1. أتخرج من كلية الهندسة 
2. السنة الجاية 2014 آخد منحة جامعية
3. أكتب كتاب خواطر 
4. أدون و أكتب في مجلات إلكترونية 
         صحية     ♥ 
1. أبقى نشيطة و باكل صحي
2. يبقى وزني مناسب لطولي 
3. يبقى وشي صافي ,و شعري قوي
 
 
 
         عقلية      ♥
1. أنا بحب الفلسفة ، فعايزة السنة دي أدرس الفلسفة الوجودية باستفاضة 
2. عايزة أقرأ في علم النفس و العلاجات البديلة : زي التنويم المغناطيسي
3. عايزة أدرس التاريخ المصري الحديث 
4. عايزة أدرس نظريات نشأة الكون من الناحية العلمية.
5. أعبر عن نفسي أكتر ..سواء كتابة ، سواء رسم أو حاجات فنية 
 
 ماما دايماً بتقولي أني متسربعة و ده حقيقي جداً …و أنا عارفة أن عندي مشكلة عويصة مع الإستمرارية و مسألة الملل دي بتحكمني في كتير من قرارتي و أولوياتي . و عشان كده حكاية ” الخطوات الوئيدة ” اللي عاملة زي خطوات الطفل دي مناسبة جداً ليه . عشان بمل و بزهق و بتخض . 
 
:روحانية    ♥
          1.أبقى Yogi :
          * yogi بما لا يخالف شرع الله على فكرة و ده يشمل : 
           1)  أتأمل و أتفكر 10 دقائق الصبح أول ما أصحى
           2) و شرحه بليل قبل ما أنام 
           3) التسامح  أسلوب حياة و مفيد للصحة ..و حلو الواحد يجاهد وينقي قلبه كل يوم قبل ما ينام. 
           4) أمارس اليوجا بتاعة المبتدئين 10 دقائق في اليوم 5 دقائق الصبح ، و خمس دقائق بليل
          
2.أدرس تفسير ابن عربي للقرآن 
 *  و ده معناه أني أرجع أدرس قرآن تاني و أرجع أقرا التفاسير اللي قريتها تاني و زي ما دراسة غيره خد سنين دراسة ابن عربي أكيد هتاخد سنين بردو 🙂 
      1)  أحفظ آيتين كل يوم و أدرسهم
     2) أقرا تفسير ابن عربي للآيات و أدرسه 
     3)  و أقارنه بتفسير ابن كثير 
 
3. اقرا 10 من فصوص الحكم 
    1) ل5 دقائق في اليوم
 
4. أعلم أطفال .
   1) ماعتقدش أني محتاجة استعد لده أكتر من 10 دقائق 
    2) ساعتين يوم الجمعة كفاية 
 
5. Declutter & و تبسيط العيشة و اللي عايشينها
     آه ياني من الهرجلة اللي في عيشة الواحد و العقد و الكلكعة 
   1) أنا أحط صندوقين في الاودة : صندوق اللي فيه هيترمي ، صندوق اللي فيه : هديه لغيري و الحاجة اللي عايزاها أعملها مكان مخصوص
   2) كل يوم لمدة 5 دقائق ..أنظم حاجة في الاودة دي 
  3) أعمل ويك إند التنظيم العالمي …بعد أسبوعين …بس هيكون كتير من الهرجلة الحالية  أختفت
 4) كل حاجة ترجع لمكانها في وقتها ..عشان نحافظ على التنظيم و الترتيب المنشود 
 
6.  عايزة أبقى مبتسمة و متفائلة و بشوشة ( ده هدف في حد ذاته ) هع
7. أشع ده …و أبهج اللي حوليه – و ده هدف في حد ذاته –  هع هع
 1) أتفرج على فيديو  أو أقرا شيء مبهج 5 دقائق كل يوم
 2) Visualize  خواطر مبهجة ل5 دقائق في اليوم 
3) البسمة معدية …فالأسهل أبتسم
4) أدخل الفرحة على قلب إنسان ، أعرفه أو ما عرفوش كل يوم 
   :مادية     ♥
1.حيث أني دايماً مفلسة ..هدفي أني أبقى ناصحة و معايا فلولس دايماً، و النصاحة دي تشتمل تطهير الفلوس الطاهرة ! .
      1)  كل يوم 2 جنيه …2* 30 = 60 …ده إنجاز بالنسبة لي هع هع
     2) فلوسي أغلبها راحة عالتاكسيات و حل ده …أني أركب ميكروباصات و حل ده أني أنزل قبل أي مشوار بساعة على الأقل …ده هيوفرلي فلوس كتير …أقدر أصرفها في جوانب أكثر أهمية و نفع في حياتي . 
                                                                                                                                                                                                                                                          : علاقات    ♥ 
1. يبقى في عدد أكتر من ” الأصدقاء المقربين ” مش أصدقاء عاديين.
2. أقوي علاقتي بأهلي و أقاربي .
3. أتواصل أكتر مع أصدقائي
1)  بتهيالي مكالمة شخص واحد منهم كل يوم ..كفيلة بده
2) خروجة واحدة مرة في الأسبوع كفيلة بده
3) أني أركز معاهم أكتر من كده …كفيل بده 
4) التردد مرة واحدة في الأسبوع على مواطن إهتماماتي كفيل بده 
                                                                                                                                                                                                                                               عمل / دراسة  
1. أتخرج من كلية الهندسة 
2. السنة الجاية 2014 آخد منحة جامعية
1) 5 دقائق كل يوم في البحث و التنقيب و السؤال و المحاولة هتعمل حاجة بالآخر
3. أكتب كتاب خواطر 
1) كل يوم أكتب بدون توقف لمدة 10 دقائق في اليوم 
2) و كل يوم أقرأ لمدة نص ساعة ..قراءة أدبية 
4. أدون و أكتب في مجلات إلكترونية 
1) مرة أسبوعياً أكتر من كافية في حالتي
               صحية     ♥ 
1. أبقى نشيطة و باكل صحي
2. يبقى وزني مناسب لطولي 
1) ربع ساعة على التريد ميل الصبح و شرحه بليل
2) أكل وجبة واحدة صحية كل يوم 
3) أدون أنا باكل إيه بالضبط كل يوم ..ده هينبهني أكتر 
4) أركب عجل يوم الجمعة الصبح 
5) و أمارس سباحة مرة  كل أسبوعين ..بس لما الجو يدفأ 
 
3. يبقى وشي صافي ,و شعري قوي
 1) 10 روتين 10 دقائق كل يوم 
 
         عقلية      ♥
1. أنا بحب الفلسفة ، فعايزة السنة دي أدرس الفلسفة الوجودية باستفاضة 
    1) أقرا كل يوم 5 دقائق عالأقل في الفلسفة 
     2) و أكتب لنفسي 5 دقائق عن الفلسفة 
2. عايزة أقرأ في علم النفس و العلاجات البديلة : زي التنويم المغناطيسي
3. عايزة أدرس التاريخ المصري الحديث 
4. عايزة أدرس نظريات نشأة الكون من الناحية العلمية.
5. أعبر عن نفسي أكتر ..سواء كتابة ، سواء رسم أو حاجات فنية 
     1) أجرب وسيلة جديدة للتعبير عن نفسي ..سواء فنية أو  كتابية مرة واحدة كل أسبوع 
6.  أحسن استغلال وقتي 
     1)  Multi-Tasking  ده لازم ألغيه من حياتي تماماً
     2) ,و الإنترنت ده ما يتقعدش عليه أكتر من ساعة في اليوم 
 
 
    
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s