الدكاترة و سنينهم

إزاي يعني …على الرغم أني …إنسان مسالم

إزاي بردو …يعني إزاي يحصل

أني أتخرج من غير ما يبقى في دكتور جامعة كارهني ؟

و مستحلفلي

و يمكن يكون ناوي يسقطني

إزااااااااااااااي ؟

كل طالب جامعي في مصر ..لازم يكون عدى بدكتور جامعة طلع عقده عليه كطالب عابد للدرجات في بلد عبيد القرش !

أنا بقى ماعمريش عملت مشاكل مع دكاترة …دخلت جامعتين ..و ماعملتش مشاكل مع حد منهم

بس حبكت في آخر سنة

أتبلي بدكتور متشنج و معقد

و أنا نفسي أقعد في شرنقتي و ماخرجش منها غير بعد الشتا ما يخلص …

و ماليش نفس أهاتي في مادته اللي ملهاش علاقة بتخصصي …و اللي متأجلالي من إعدادي هندسة ..و اللي مش عارفة باخدها ليه..غير لأن دي اللايحة

ماليش نفس أهاتي في اي حاجة

ماليش نفس أقاوم أي شيء

و نفسي استسلم للبحر …يا يغرقني …يا يطفيني على سطح المية

مش عيب لما دكاترة جامعة يبقوا  معقدين ؟ ……سابولنا إيه طيب ؟ ….عاملين زي اواحد على باب الله و فجأة إتغنى …ففضل محدث نعمة …مش محصل أنه شبعان زي اللي معاه فلوس ..و مش عارف يبص للي على باب الله بالنظرة الطبيعية من غير ما يشوفهم دون المستوى

دول دكاترة و عندهم هيلمان و كام دكتوراة و كام مش عارف إيه

و مع ذلك ماعندهمش أي نوع من أنواع الثقة بالنفس

للحد أن أي إهمال أو عدم إكتراث من أي طالب ، بياخدوها كإهانة شخصية ليهم !

إزاااااااااااااي يعني مش شايفني …

هو أنا ما بتشافش ؟!

بعيداً عن حالة الذعر اللي أنا فيها

و بعيداً عن أني مش عارفة هنجح في مادته و لا هشيلها

و بعيداً عن كل ده

نفسي مابقاش زي الناس دي لا من قريب و لا من بعيد

..دي نوعية الحاجات للي الواحد يجيب ولاده يتفرجوا عليها على سبيل العظة و يقولهم أوعوا تبقوا كده

كل الناس معقدة ….بس مش كل المعقدين تحت رجليهم أحلام ناس تانيين

 —————

آخر ما زهق مني …قالي أنتي مش منوفية ؟ … أهو المنايفة دايمن بينجحوا و بكرة تنجحي و تبلعيني ….ده اللي ماسكين المناصب عندنا كلهم منايفة …حمير شغل و عندهم طموح ……بس عاملين زي السرطان 😀

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s