المباهج الصغيرة

ما بقاش فيه مباهج اليومين دول غير :

1-فيروز لما بسمعها الصبح و أنا بجري ورا الميكروباصات

2- كوباية كابتشينو تقيلة تظبط دماغي

3- حضن صحباتي اللي بشوفهم بعد طول غياب

4- قناع الطين اللي بينعش وشي

5-الألوان الملعلطة اللي بقيت بحب بلبسها و أضوى بيها …تقريباً إشراقتها بقت بتنور جوانب مظلمة جوايا

6- كتاب علي شريعتي اللي عاصي مشكوراً أدهوني – بعد ما استنطعته آخر استنطاع –

7- رواية يوميات الواحات  لصنع الله إبراهيم …عموماً أدب السجون سواء روايات رضوى عاشور أو مذكرات سهى بشارة أو غيرها بقت مصدر إلهام كبير في حياتي

8- القطة اللي بقعد ألعب معاها في الكلية

9-النكت اللي البقال كل يوم بيقولهالي الصبح و أنا بفك منه الفلوس

10 -… الزرعة الصغيرة اللي زرعاها في أودتي و براقبها و هي بتكبر شوية بشوية بسبب مراعاتي ليها

11-عيني المفنجلة و أنا  بتفرج على لوح في معرض

12- التنفس العميـــــــــــــــــــــــــــق

13 – الشمس و هي بتلزوعني فبتحسسني أني لسه عايشة و أقدر استمد منها قوةو طاقة

غير كده في مرار طافح و وكسة قوية في كل مناحي الحياة التعليمية و الإنسانية و الشخصية ….بس كون في حاجات تفرح فدي حاجة تفرح في حد ذاتها …..يالا بينا نفرح

Advertisements

3 comments

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s