هي الحب

بحب يا سمين و مزيجها المتناقض من الورع و التحرر و التمرد و الكتمان … أحياناً بحسك راهبة في محراب و أحياناً راقصة في ملهى ليلي ..جننتيني يا ياسمين  !

..بحب آية بطيبتها بهبلها بجدعنتها بوقوفها جنب اللي محتاجها  ، هتشك فيه  مية مرة في السكة بس هتمشي معاه لآخر الطريق

بحب أروى بحماسها بثوريتها ..بإنكسارها بكبرياء وبأحلامها الكبيرة و  بعصبيتها –  أحياناً كنت بحس أنها هتضربني – !

بحب داليا بالإنطفاء الغير مفهوم و التوهج الغير مفهوم و المربعات المتقاطعة

بحب مروة بألمها بقمصها بجدعنتها بشخصيتها الكرتونية – مش أنا بس اللي شخصية كرتونية يا مروة 😛

بحب أريج بفطرتها بتلقائيتها …بجاملها و بلسانها اللي طوله مترين و عايز قصه !

بحب إسراء بطيبة قلبها ، و ثقتها المبالغ فيها في الناس ، بمزاجها الفني و الحياة المتوردة في خدودها

بحب خلود و لسه شيفاها زي ما كنت شيفاها طول عمري دمها خفيف و متكلمة ! مع أنك دلوقتي بقيتي خرساء !

بحب ندا بفطرتها السليمة اللي زي الاطفال….يا لهوي هو لسه فيه ناس كده ؟!

بحب منة بالصرماية اللي بتضرب بيها الحياة وقت اللزوم و تقلب المزاج من النقيض إلى النقيض …مع منة أنت ما تقدرش تتوقع إيه اللي هيحصل اللحظة الجاية !

بحب نهى و شوفتها قبل الإمتحان بتريحلي أعصابي المشدودة علطول ..حتى لو مابقناش نقدر نقعد كتير زي الأول كفاية أنها عارفة إني موجودة و أنا شرحه !

 بحب سلمى و بمجرد النظر في وشها بحس أن صور القديسات ماكنتش أساطير لشخصيات غير موجودة !

بحب وسام بغيرتها بجدعنتها بطاقة الحب اللي فيها و حب الأطفال اللي عندها ..و الصراحة المبالغ فيها

بحب ريهام و بعتبرها صورة نفسي أكون زيها لما أبقى في التلاتينات و بحس أن بناتها من أكتر الناس اللي بحبها في حياتي و نظرة واحدة ليهم بتفرح قلبي

بحب يسرى و بحب حضنها أوي لما بفتحلها دراعي ..لما بشوفها كل فين و فين !

بحب خلود هي أكبر مني بس بحس أني أمها !

بحب هبة بسذاجتها و بشقاها و بانضباطها و التزامها و بفلسفتها المميزة في الحياة

بحب آلاء و بشوفها مثال حي لإزاي الإنسان ممكن يبقى متصالح مع كونه مغاير ..مع جسمه ..مع نفسه ..مع خلفيته ..مع ظروفه

بحب هند برزانتها على الرغم أنها عاشت و أتربت مع ناس مجانين …بحب طريقة تفكيرها المختلفة و مزجها بين التمرد على التقاليد و التصالح مع الناس ! و ما عرفش إزاي بتعمل الإتنين في بعض بحب أنها بتتصرف كأنها أمي …بس مش أمي أوي يعني

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s