أخي العنصري / أختي العنصرية

بعد التحية ،

لو كنت ضد الستات ، شايفهم بهايم ما بيعرفوش يسوقوا …او بهايم أهم حاجة شكلهم …أو بهايم مايعرفوش يمشوا من غير نصيحتك و إرشادك …

لو كنت ، ضد المسيحين لأنهم مسيحيين و شايف أن ريحيتهم وحشة ، ومابتاكلش مطرحهم ..و شايف أنهم عملاء للغرب  ، لو كنت  ضد الشيعة لأنهم شيعة و شايفهم كفرة مجوس ..هندوس يظهروا الإسلام و يبطنوا الكفر و مادري شو

لو كنت، ضد الثورة ، ضد المتظاهرين ، و شايف أن دم المتظاهرين حلال و أن الجيش حمى الثورة و الجيش و الشعب إيد واحدة …و إن حرق أقسام الشرطة يوم جمعة الغضب كان بلطجة ..و أن المتظاهرين معاهم أجندات خارجية …و

لو كنت عيطت يوم خطاب مبارك …و أتشحتفت عليه أوي …عشان قد أبوك

لو كنت بتصرخ و بتصوت من البلد اللي بتضيع …بتدعي أن الناس مؤاخراً بقوا مكشرين على غير العادة …مع أنهم بيكشروا  بقالهم 60 سنة بس العمى بعينك مش شايف ..

لو بتتريق على مرسي عشان لهجته فلاحي و شفته مدلدلة و بيقول : أهلي و عشيرته …و بتتريق على مراته عشان لابسة خمار مش شيك ….

لو عشان أنت ضد الإخوان ، بتكره كل إخواني

لو بتسأل إيه اللي ودى ست البنات هناك ؟

و لو كنت بتسأل البنت اللي أتحرشوا بيها كانت لابسة إيه و ماشية الساعة كام ؟

لو كنت ضد غزة ، ضد الفلسطينين…و شايفهم باعوا أرضهم…

لو بررت الضرب زي أي صهيوني متعفن بأن صواريخ بمب العيد اللي الفلسطينين بيرموها من غزة هي السبب

لو شايف أن أهل سيناء خونة و عملاء لإسرائيل و حماس و إيران و قطر و حزب الله ..و أول مكرم و أول عباس.

لو قاعد في بيتك بتتفرج على النيل للأخبار و مؤمن أن النيل للأخبار تنطق صدقاً …

لو أنتخبت شفيق …كنت ناوي تنتخب عمر سليمان …و عيطت و أتشحتفت على رموز الوطن يوم وفاته

يرجى أنك تبعد عني مسافة 10 متر لو ناوي تناقشني في المواضيع المذكورة أعلاه ….صحتى مابقتش تستحمل :@.

أخي / أختي : حدود حريتك تنتهي عند أذني .

 شكراً

و تباً ، قلبي الصغير لم يعد يحتمل !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s