:@ :@ :@

على غير العادة عصبية ، و على غير العادة ماشية بخانق في دبان وشي …حتى شهاب كل يوم عاملالي مشكلة معاه…هو غلطان أو أنا غلطانة مش هي دي الفكرة !! أنا عمري ما زعلت شهاب !!! و لا هو زعلني !!!

بس أنا حاسة أني بقيت abusive شويتين  !!!

و ما عمريش تخيلت أني ممكن أحس أو أحط نفسي في الخانة دي !!!

و ما عرفش إيه سر العصبية دي كلها …و البراكين و حممها …أنا مش عصبية بطبعي !

يمكن عشان مضغوطة ؟  طب ما البشر بيتولدوا و بيعيشوا مضغوطين لحد ما يموتوا !

يمكن عشان حعمل مشروع التخرج …و حاسة أني دي الحاجة اللي مستنياها من قبل ما أدخل الكلية ؟ و دلوقتي قربت

و يمكن لأني مش حاسة أني فاهمة زي الناس ماهي متخيلة أني فاهمة ؟

و يمكن لأني أكتشفت أني مش فاهمة في تخصص أوي لدرجة أني أختاره مشروع وعيني مغمضة

و يمكن لأني باخد كل حاجة على أعصابي  و بحمل نفسي فوق طاقتها  و بسعى للكامل و أنا شخص غير كامل في عالم غير كامل ؟!

و يمكن ما يكنش المشروع أصلاً …ممكن عشان وزني زاد آخر كام شهر و ده خانقني …أصلاً إنطباعي في مسألة الوزن أنه كل ما زاد وزن الشخص ..كل ما معناه أن حياته فوضى !

و يمكن عشان الموضوع إياه الميؤوس منه ، من كام شهر و أني أختارت أصعب حاجة عشان عيني تبقى فيها  …و مع مزيجي من الكبرياء و الكرامة …كارثة

و يمكن لأني مش عايز أجازف بيه !!! عندي استعداد أجازف و أموت ….لكن أجازف بيه لأ!!

و يمكن لأني قابلت مؤخراً شخص ، حاسة أني مدينة له بإعتذار و في نفس الوقت الموضوع قديم أوي أني أعتذر له بسببه !!

و يمكن لأني حاسة أني واطية !!!

و يمكن لأني حاسة أني بضيع عمري اللي ماهواش كتير ، في حاجة مش حباها …بس بقضي فيها وقت أكتر ما بقضي في كل الحاجات اللي بحبها !

الأيام بتعدي مافهاش إبداع من أي نوع ؟!!

و يمكن لأني على طول متسربعة ….

و يمكن لأني فقدت البوصلة وناسية أنا بصحى ليه ؟!!

و يمكن لأن الحاجات اللي كانت محسساني أن وجودي مهم في الحياة …أختفت !! و أنا ملقتلهاش بديل !

بس الأكيد أن  فيه جوايا جانب غاضب و شراني …ماكنتش أعرفه !

أنا مش عاجبني أني أستقوى على حد !!

مش عايزة أبقى كده !

و مش حبقى كده !

لأني جرت ده قبل كده ، و كنت على الجانب الأضعف !

مش حخليني أحسس حد زي ما يوم حسيت !!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s