قاعدية و أفتخر

لا أدري لما تحولت فجأة – خير اللهم أجعله خير- إلى قاعدية !!…أي نعم والله ..أقولها في كامل قواي العقلية ..أنا قاعدية و أقولها لو أتسأل إن شاء الله أموت قتيلة أو أخش المعتقل !!..إن كنت لا أعلم موقف القاعدة من الأخ شعبولا !! . إلا أنني متأكدة أنه سيكون متهماً خطيراً من وجهة نظرهم متشبها بالنساء بسبب سبائك الذهب التي تنسدل من رقبته بالرقيات و الآيات البينات ، و هي التي تتحرك حين يضرب كفه بجبهته مخرجاً..إيـــــــــــــــــــه من الحنجرة الشعبولية…و إيه مع سبائك الذهب القرآنية قد تكون كفيلة بتهمة إزدراء الأديان !! . اللهم أحفظنا ..ما علينا ..و هو ما جعلني في مراثون إنترنتي رهيب لهثاً خلف الجهاد الإلكتروني. فأخذت أتصفح المواقع الجهادية و أنا أردد ” و جعلنا من بين أيديهم سداً و من خلفهم سداً فأغشيناهم فهم لا يبصرون ” .. مش عاوزين شبهات !!… لأكتشف جهلي التام بالتاريخ الإسلامي المجيد !! و أخذت أوئنب نفسي:  فيه كده ؟؟ إيه الجهل ده … أتعلموا تاريخكم بقى ..خصوصاً في هذه الأيام المفترجة …ده طلع فيه غزوة موسكو و غزوة منهاتن و غزوة مدريد ؟؟ لوووولوووولي بالصلاة ع الزين عبرنا المحيط الأطلسي قبل – اللي ما يتسمى – كولومبس ..و تجلى لي جهلي في موضوع غزوة مدريد !! فقد كنت أفتكر ان الفتوحات الإسلام وصلت لما بعد السند ..نهرا جيحون و سيحون !! طلعت الغزوات وصلت لمدريد ؟؟ ( إلا هي مدريد على نهر إيه ؟؟ معلش جهل بقى ) لأ و إيه طلعت الغزوات لا تشمل المدن فغزوة مدريد المباركة كانت لمسرح !! حاجة تفرح خالص ، خصوصاً أنني لم أكن على علم مسبق بوجود أهداف خطيرة يخبأها الخبثاء – الكفار غالباً- في المسارح ( نصيحة على للهامش لكل الحبايب : إذا كنت تعتبر نفسك كافراً ، و قررت الذهاب للمسرح من الأفضل أن يوجد معك ما يستحق الغزو من أجله ، و الأفضل أن تكون مدجج بالسلاح ) …حسبي الله و نعم الوكيل ..دعوة ولية تتصفح المواقع الجهادية ..ساعة عصرية كاشفة رأسها رافعة يدها : يا رب !! .. قال إيه ؟؟ علمونا أن الغزوة هي التي تمت تحت قيادة الرسول – صلى الله عليه و آله و سلم – و ما عداها يسمى : موقعة أو معركة أو واقعة !!… الحمد لله الذي أرسل اللابتوب-جيني كي يصحح لي هذه المعلومة الفاسدة ، المُوسِوسة ، المٌسَوسة ( الحدق اللي حيفهم الفارق بين كلا التشكيلين ) …فهات يا تحميل يا تحميل و داونلود في وثائقيات ماهو مفيش إنترنت محدود و لا إنترنت مربوط !!.. و الغريب يا أخوة أنه كتب تحت كل وثائقي ..من إنتاج قناة العبرية ..أو ترجمة قناة العبرية و هو ما جعلني أتسائل إذا كان تنظيم القاعدة ممول لفيلم ” أولاد العم ” بما أنه العربية من العبرية متفرقش كتير!!…وضعت اللاب توب-جيني و أخذت أحملق و أتابع الوثائقيات بنهم جبار !! فيما ينظر أخي الأصغر بطرف عيناه إلى كل هذا الكم من العنف و الإرهاب و بالمناسبة أخي شهبوبي أطلق أسم لابتوب-جيني لسبب خاطىء يعتقده أنني أجلس و أحلم باللاب توب “يجيني ” حتى لو في عز الأفراح و الأعراس و ليالي الملاح !!. يعني بيقولي يا ” مُحدثة نعمة” بس بالذوق …حبيـــــبي شهبوبي ما علينا

ما علينا ..لاحظت شهبوبي المسكين ذي التسع سنين ..ينزوي و من ثم يضع سبابته في فمه ..و من ثم يتصبب عرقاً قبل أن يلفظ علي من درره : لقد أصبح  العالم مكاناً تعمه الأخطار !!! ( أي والله نطقها بالنحوي كده تأثير سبيس تون بقى )  شفته الطفل ضج و قال الأماااااااان يا نااااس !!.

و إن كان شخصي الضعيف يعترف مع جزاء الضجر أهممم قصدي الجزيل أن لولاهم ما نطق أخي فصحى عربية و هو في المهد صبيا َ…

إسراء السقا

من دولة عربية شقيقة

سابقاً معادية حالياً

1 سبتمبر 2009

من مذكراتي المحجوبة ( عشان نخلي الطابق مستور ) و أوعى تقفل المدونة ….

Advertisements

12 comments

    1. بصراحة الوثائقيات مقلتش إزاي بالظبط:) بس كتير منهم بيعتنق الفكر ده من خلال الإنترنت او المعارف و هكذا

  1. أولا دى أول مرة أزورك فى مكانك الجديد و ده لأن حضرتك ماحطيتيش إعلان على المدونة القديمة تقولى فيه إنك عزلتى .. ما علينا مبروك العتبة الجديدة و ربنا يجعلها عتبة خضرة عليكى إن شاء الله..

    ثانيا .. أنا أحملك المسئولية كاملة عن أى كوابيس تصيب الطفل البرئ شهبوبى اللى كل ذنبه فى الحياة إن ليه أخت مفترية زيك..

    ثالثا .. السادة بتوع غزوات موسكو و مدريد و منهاتن عايشين بعقولهم فى أوضة متر فى متر و مالهاش شبابيك .. فهمهم للعالم شديد البساطة لأنهم لم يجهدوا عقولهم فى محاولة فهم التفاصيل و بالتالى فهمه فضلوا يعيشوا فى السنين الأولى بعد الهجرة و ياريت عارفين عنها حاجة و إنما هى تهيؤاتهم عن السنين دى و اللى ما بتخرجش عن مظاهر و شوية مفردات زى الغزوة و الفسطاطين و خلافه ..

    أنا رأيى تعملى ديليت و ديفراج و تبدأى على نضافة و ربنا يبعد عنك حبايبنا الحلوين..

    1. تامر موافي

      يا مرحب 🙂 انا كنت مترددة حغير المدونة نهائيا لورد برس و لا لأ آمين و يا رب تكون العتبة دي أحسن من اللي فاتت يا رب 🙂
      شهبوبي ده حبيبي بس انا غالبا بتعامل معاه انه كبير و هو مش كبير فولا تقلق منعت خلاص اطلاعه على اي مواد فيها عنف حفاظا على صحته النفسية 🙂

      و اتفق معاك تماما في موضوع ضيق الأفق لكن الكارثة ان اغلبهم متعلمين و تعليم عالي يعني منحطهمش في خانة الجامعيين الأميين و ده اكتر شيء مرعب يعني إيه اللي يخلي جامعي متعلم تعليم عالي ياخد موقف رداكيلي زي ده ..جهل مثلا ؟؟

  2. أولا..حمد الله ع السلامة
    ثانيا..حبلغ عنك يا قاعدية
    هع هع هع
    ضحكة شريرة جدا
    ثالثا:إسمحيلي معلقش ع البوست اللي تحت ده وأتجاهله تماما لأني مش ناقص ضغط
    🙂
    تحياتي

  3. السلام عليكم…

    الكلام كله كويس واسلوبك كالعاده جميل جدا جدا

    بس فى حاجه صغيره بس احب اضيفها.

    الناس اللى قالوا ان الحرب اللى يقودها الرسول صلى الله عليه وسلم فقط اسمها غزوه كانوا مخطئين تماما.

    يعنى مثلا غزوة مؤته لم يقدها الرسول صلى الله عليه وسلم وكانت فى حياته

    ويقال غزوة الخندق رغم انها كانت هجوما على المسلمين لا لهم

    وكتير زى كده

    وقال صلى الله عليه وسلم “ما غزى قوم على ارضهم الا ذلوا”

    ده معناه ان اى هجوم يسمى غزو

    اتمنى انك تقبلى نقاشى

    تحياتى

    1. عليكم السلام

      اوكي حتى لو تعبير الغزوة صحيح رغم اني معترضة عليه أصلا لكن فكر الجماعات دي في المجمل متطرف و مرفوض و هما بيتخدوا من المدنيين الأبرياء أهداف يقتنصوها و بيسيئوا لنفسهم و بيبقوا قتلة و بسيئوا للإسلام و لينا لفكرة خاطئة عندهم و دي كارثة

      تحياتي و شكراً على الرد

    1. 🙂 يالله يا ابني دوس على الصورة اللي فوق دي و حتطلعك البلوج كلها و فيها بوستات جديدة :)) بس عاوزة اعمل دماغ كده و اكتب بوست جديد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s