أول أيام العيد : التحرش بفتاة على كورنيش النيل

تصوير : إسراء السقا

تصوير : إسراء السقا

تصوير : إسراء السقا

تصوير : إسراء السقا

في أول أيام العيد و على كورنيش النيل و وفوق كبري السادس من أكتوبر ، كنت ألتقط صور للنيل ، فرأيت تجمهر لأطفال حول فتاة!!… اقتربت كي أرى ما يحدث عن قرب . أسفل الكوبري ، و في مكان لا يبعد كثيراًُ عن مبنى الإذاعة و التلفزيون  ( ماسبيرو ) وجدث أكثر من 15 طفل أكبرهم في الثانية عشر من العمر و أصغرهم في عمر أخي الصغير – أي التاسعة – . متجمهرين حول فتاة …و هي تصرخ فيهم : حرام عليكم و هم لا يتركونها لحال سبيلها .. الغريب أنه على الرغم من المنشآت الحيوية الموجودة في المنطقة ..و التواجد الأمني الكثيف على كورنيش النيل ، و ارتصاص  عدد كبير من العساكر بطول الكورنيش و وجود عدد من القيادات الشرطية ..لكن هذا المكان تحديداً لم يكن فيه عسكري ، يوحد الله . ( و عموماً مكنتش حتفرق كتير لأن العساكر أنفسهم كانوا يغازلوا الراحة و اللي جاية ). … الفتاة كانت في الرابعة عشر ، ترتدي جيبة واسعة و قميص واسع ، و حجاب كبير ( و ده ينفي المبرر الأزلي أن ملابس الفتيات المثيرة هي السبب في التحرش و الاغتصاب و خلافه !!)..، و لا تضع أي مساحيق تجميل ، و ملامحها و هيئتها طفولية ( أي بعيدة تماماً عن الأنوثة و أقرب إلى الطفولة يعني الموضوع ليس له علاقة بلأنوثة الطاغية لا سمح الله ) ..و الفتاة التي كانت تصرخ و تبكي ، و بمر المارة من حولها ، بعضهم في عمر آبائها و لم يحرك أحدهم ساكناً..بل علق أحدهم و هو يسير : بنات عاوزة الحرق!! و يا ريت نعرف من سيادته ليه البنات عاوزة الحرق ؟؟ . بعد حوالي العشر دقائق ، تدخل أحدهم ليخرج الفتاة بأعجوبة من بين الأطفال المستذئبين ، و بعضهم في عمر أخي الصغير ، و لا يمكن أن تتصور وجود كل هذا القدر من العدوانية في مثل هذا السن الصغير و تخيل البيت اللي ربى طفل بالشكل ده عامل إزاي ؟؟…. اقتربت من الفتاة بعد أن تركوها تمر ، بزفة من السباب و الشتائم الجارحة ليختم أحد المستذئبين بالقول : البنت اللي تخرج من بيتهم تستحق اللي يجرلها .الفتاة كانت في حالة مزرية  ، تبكي بصوت عال ، و تحاول لملمة شعرها المشعث . اقتربت منها لأسألها ..فلم تستطع الإجابة من كثرة بكائها ، و نشيجها العالي..فأجابني الشاب الواقف بجوارها – والذي أخرجها من بين جموع المستذئبين – : يا آنسة الموضوع أن العيال دي زنقتها ..و قلعوها التحجيبة و قطعوا زراير القميص و حاولوا يعملوا فيها حاجات وحشة …الغريب أن أياً من العساكر الموجودين فوق كبري 6 أكتوبر –  و الذي كان بإمكانهم منع الواقعة من الأساس – لم يكن بالمكان …فيا أما مشفوفش و دي مصيبة لأن لا يفصل بينهم و بين حفلة التحرش هذه سوى بضعة أمتار ..يا أما شافوا و عملوا نفسهم مش شايفيين …لذا عزيزتي المواطنة المتحرش بها دائماً ..لو تحرش بيكي أحدهم شوفيليك صرفة لوحدك عشان الشرطة نايمة في العسل …و الشعب نايم في بلاص العسل نفسه !!.

Advertisements

10 comments

    1. بجد اللامبالاة اللي بقت عند الناس دي مستفزة انا كنت فوق الكبري فعلى ما نزلت يا ميدو ده غيرالخضة يعني

    2. و دي عاوزة كلام يا ميدو خفت اقرب يخدوني بدل البنت الغلبانة دي …بجد حاحة تقرف

  1. يا نهار ازرقين تلاته
    هو العيد فرحه ولا اغتصاب يا جدعان
    انا ببقى مذهول
    العالم دى يعنى
    بتبقى صايمه ازاى
    قبل كده
    العالم ولا ال
    …………………………………………..
    دول مسلمين اصلا
    ده اليهود هما اللى كانوا بيعملوا كده
    ويوم ما فكروا يتحرشوا بمسلمه
    واستنجدت بالمعتصم
    وكان اللى كان
    دول صحيح
    هيستنجدوا بمين
    ربنا ياخد الشباب

    1. منور يا فوكش

      انا نفسي مش عارفة الناس دي اهلايهم فين بس لتصحيح المعلومة واقعة المعتصم دي اللي عملها كانوا الروم مش اليهود

      حياك الله

  2. متستغربيش
    أنا باشوف مناظر زي دي يوميا وباشوف الولد يعمل حركه مش كويسه في البنت والناس واقفه تتفرج كان ده عادي واحيانا الاقي الولد نفسه بيعملها فيها تاني وتالت بكل جراه وهي تبصله وتمشي وانا متغاظ من المنظر لدرجه اني كلمت واحده فيهم قالت لي وانت مالك وللاسف كانت محجبه
    المنظر ده باشوفه غالبا مع المحجبات وفي أماكن عامه زي الشارع والمواصلات وخصوصا المترو ومفيش مره لقيت المتحرش ده اتمسك ولاتضرب ده حتى زمان كانوا بيجروا بعكس دلوقتي
    خلاص البلد مبقاش فيها امان

  3. ربنا يحيمكى يا اسراء انتى واللى زيك بس ايه الخطوه اللى جايه انا بفكر ناكل لحم بعض بدل ما ندبح مش فكره برضو على الاقل نخف من التعداد السكانى بدل ما بابا مبارك بيعايرنا كل عيد عمال اننا كتير وهو يا عينى بيدينا على قد ما بيقدر بس يعمل ايه اللى جى على قد اللى راح وشغله مش مكفى صرف علينا ….. اوعى فى يوم تزهق ولا من حياتك تمل حيجى يوم تبنى ولا من تعبك تكل وبوكره ده حيبقى ملكك بس اياك تمل

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s