سموم و زيتون


بث فيه سمومك

و أزرع شجر الزيتون

أحبسني جوه جحورك

و فتني لحد ما ابور

و أطلق عليه همومك

سب و قهر

و سجون

تجلدني فيها ليلاتي

بسوطك الملعون

طلع خوفك عليه

رصاص مدشوش

و صوب عليه مدافعك

تنقد بتهكم مكروه

و فاكر نفسك كده

أبو ديل مبروم

حامي حمى أهله

من كل مكروه

و لما أقع بهــواني

تصرخ كالمجنون

و تحفى بين القرى

الأضرحة

والنجوع

تطلب ليا الشفا

لكن عز المطلوب

القلب مهواش خزف

يدوم بعد كسور

أردم عليه ترابك

و أنساني

حي موجود

وأقفل عليه تابوتي

أنا أمسيت مقبور

ليك حبايب غيري

تزود عنهم لدهور

لكن باللهِ أستحلفك

بلاش تبث سموم!!

بث فيه سمومك

و أزرع شجر الزيتون

و خدني بين أحضانك

لمرة قبل ما اموت

و أعمل من دموعي

أكليل ورد و زهور

تحطه فوق مقام

كل من ظلم له

محبــوب





******************************

أقولوا رأيكوا بصراحة من غير كسوف سواء حلو أو وحش !! خليك ناقد ثاقب زي شبير 🙂 و وعد مني حتحلى بالروح الرياضية اللي بيمثلها جمهور الإسماعيلي في متشات الأهلي 🙂



Advertisements

22 comments

  1. جميل اوووى الكلام
    يا اسراء

    طبعاً الكلام بتاع الكورة ده مالوش علاقة بالكلام اللى فوق
    صح
    ‍‍!!!

  2. هههه لا مالوش علاقة طبعاً بس جه على بالي كده عشان كنت بتفرج على محلل غريب في التلفزيون 🙂 شكله بياع بطيخ أساسا
    سلااام

  3. ده ايه تقبل النقد العالى ده ههههههههههههه
    بجد البوست هايل وكلماتك رائعة
    تسلم ايدك وبالتوفيق دايما

  4. حلو الاسلوب
    بس صعب جدا
    وانفعالى جدا
    ليه القسوه دى كلها
    اكيد من الفرجه على شوبير

  5. يعنى بعد الكلام بتاع شوبير اللى قولتى عليه
    لو اتكلمت بحق ربنا نقول
    اسلوبك جميل وشعرك ظريف
    بس مليان ضرب وولعه وسم وحزن
    بس ميضرش
    لكن لو هتكلم على لسان شوبير
    اقولك انك
    هه
    ييجى منك كمان تمنتاشر سنه
    بعد ما السيول تنزل
    عشان البوران اللى انتى كاتبه عنه
    مساء الفل صحيح
    بنصبح وبنقول
    الغيبه كانت طويييييييييييييييله

  6. الفكرة و الإحساس 10/10
    ده طبعا المهم أيا كان نوع الكتابة اللى تقصديها سواء كانت خواطر منثورة أو محاولة شعرية..
    لكن لو هدفك هو كتابة شعر بالعامية يبقى لازم تراجعى إختيارك للمفردات .. مفيش مشكلة طبعا إن لما تحتاجى تمزجى مفردات من الفصحى بالعكس فى مكانها بيكون ليها أثر رائع و عليكى إنك تراجعى إختيارك للمفردات الفصيحة و مكانها و معدلها..

    الشعر موسيقى و دى الحاجة التانية اللى محتاجة تراجعيها مثلا:
    بث فيه همومك
    و إزرع شجر الزيتون
    أو
    و إزرع شجرة زيتون

    إحتمال كانت تبقى أفضل لتحقيق نعومة أو إنسيابية موسيقية..

    موهبتك حقيقية .. إشتغلى عليها..

  7. جميل قوى البوسط دة اكيد تعبير عن معانى كتيرة جواكى وجوانا ,,مش شرطى تهتمى بالقافية ولا انك تكتبى شعر بالعامية .. المهم تطلعى ان جواكى زى ما هو

  8. ايه يابنتى انتى بتنزلى البوست فى مناسبات قوميه؟؟؟انتى فينك بنقلق عليكى:)
    واحييكى على روحك الرياضيه مش بعيد الواحد بعد ميقول رايه يلاقى صواريخ ومولوتوف اتحدف عليه.
    لا بجد الكلام حلو جداااااااااااااااااااااا ,روستوك كده اهدى يعنى:)

  9. وإذا لم يكن هناك داعى للنقد فلماذا النقد
    عودة من الزمن القديم

  10. كفارة ياماما انتى كنتى فين ؟؟؟
    ولا هو انتى زى القمر مش بيظهر الا ايام معدودة فى الشهر
    ^_*

    لا بس حلو يا آسو بجد
    ^_^

  11. الفكره جميله يا اسراء ……. والكلام حلو جدا
    كملي تجاربك وان شاء الله في تقدم

  12. سلمت يمناكِ على ماخطتها من أحرف لكي كل التقدير والى الامام دائماً … دمتي مبدعه

  13. على كدا الواحد يتفرج على شوبير كتير ويغير جلده من الزمالك للاسماعيلي (ولا محصله بعضها)عشان نكتب حاجات في الجون كدا
    بجد لديك أفكار جميلة ربما بتركيز أكثر سنسمع قريبا عنك في الشعر مع إسراء

    لك تحياتي
    السلام عليكم

  14. عايزه النقد الهادف الحر

    بجدجميله جدا يا ساره والاجمل فيها شجرة الزتون
    بكل ما يربطنا بالشجره دى من ذكرى لفلسطين ووجع وحلم مرير

    هايله جدا يا جميله

    ومعلش اتاخرت شويه فى زيارتك
    معلش المواصلات بئه

  15. علي اعتبار انها محاولات لنظم الشعر تعتبر جيده
    لكن هي للان ليست شعر كشعر الشعراء
    محتاجه مزيد من القراءه الدؤبه و التركيز الشديد في مواطن جمال الشعر و الخيال فيه
    تحياتي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s