بيني و بين الحياة

بيني و بين الحياة
طيارة و سلم
هنا فراق و
هناك بعاد
هنا غربة و
هناك أغتراب
وقلب أتقسم بين محطتين
و هم شمل أهلين و بلدين
بدموع طالعين سلالمهم
و بنحيب نزلين سلالمنا
نطبطب بكفوف
ع دهور
حزت فيها السوط
و حمول تهد كهول
ما يقدر عليها
مماليك العصر ده
وكل العصور
نبوس قدم
كلت الوقوف في طبور
تشحت من السيد لقمة
تسد بيها الجوع
بيني و بين الحياة
طيارة و سلم
من غير مرسى
شدين رحالنا
ناصبين بطول و عرض البلاد
خيامنا
و لا ترسى في يوم أقدامنا
و أتشتتوا أهالينا
و أتغربوا أخوالنا
تسألنا عن أحوالنا
نقول : شايلين هم ع همومنا
بيني و بين الحياة
طيارة و سلم
شايلين كل يومين
بوقجة ع دهورنا
لامين يا ولداه عزالنا
ولا يوم تحط رحالنا
و اتفرقوا ولادنا
بيني و بين الحياة
طيارة و سلم
نحلم
بدور تلم عيالنا
بيبوت تحمينا
من رصاص الشتا
و كرابيج أمشير
نحلم
بهدوم تستر عجزتنا

و عمم تداري شيبتنا
نحلم
بيوم نرتاح فيه

على شط ترعتنا
بعد ما كنا سواحين
في البلاد
لكن باينلنا
حنموت ع السلم
بين البلاد
بيني و بين الحياة
طيارة و سلم

***************************************************************************
دي أول حاجة أكتبها يمكن تتسمى شعر عامي !!أتمنى أنها تصلح للتسمية دي…و إن شاء الله تتحسن أكتر و أكتر

مع تحيات واحدة محبوسة و مفروسة
إسراء

Advertisements

54 comments

  1. نحلم بيوم نرتاح فيه
    على شط ترعتنا
    بعد ما كنا سواحين
    في البلاد
    لكن باينلنا يا ولداه
    حنموت على السلم
    بين البلاد
    بيني و بين الحياة
    طيارة و سلم

    عن نفسى
    ورغم كل ما يمر بنا
    حاسس ن اليوم ده جاى
    وقريب بأذن الله
    ولازم نكون متفائلين
    لان ده اخر امل
    وبأذن اله نطلع السلم
    بس الاول لازم نصحى ونفوق من اوهامنا

    كلمات جميله ومعبره يا اسراء

    تحياتى

    رامى واصل

  2. اولا نورتينى بزيارتك

    بس على فكرة احنا مش بلد الغلابة احنا بلد الابداع بلد الحب بلد الطمئانينة بلد السلام بلدنا مصر
    تعرفى مين اللى بيحس بيها
    اللى بيسبها ويهاجر
    الكلام ده كله على كلامك اللى فى البروفيل
    ونعتبر ده اول تعليق
    نروح بقة نقرا كلامك

  3. طبعا هى دى لو اول حاجة فعلا تكتبها يبقى احنا المفروض بقا نروح ونقعد فى بيوتنا
    يعنى لو دى اول حاجة اومال بعد كده هتعمل ايه
    باقولك من اولها بلاش تقطعى علينا
    جميلة بجد يا اسراء وان شاء الله ربنا هيوفقك فى كل اللى بتتمنيه فى حياتك

    تقبلى مرورى

    احمد

  4. طبعا تصلح تكون عامية
    أكتر حاجة تكون حلوة ورائعة انها تكون بحرية بدون تكلف من الروح والقلب بإخلاص زي الكلام ده تمام
    لازم يكون حلو ونحس بيه زي ما حصل معايا مثلا
    ربنا يكرمك
    مودتي

  5. انا مع احمد فى اننا سعداء بتعرف على المدونة وسعداء اكتر بمرورك كمان عندنا وفعلا كلمات رائعة اوى ويمكن جسدت اكتر عن صورة المواطن المطحون او زى ما قولت انا عليه العبيط واقصد بى العبيط السلوك اللى معناه وانا مالى فعلا والله كلماتك جميلة اوى وفيها كتير اوى من نظرة الروح
    والغريبة انها اول تجربة ليك فى الشعر
    دمتِ بكل حب وا ود دائما واتمنى دائما التوصل

  6. نحلم بيوم نرتاح فيه
    على شط ترعتنا
    بعد ما كنا سواحين
    في البلاد

    كلنا مليانين هموم من الحياة دى وبنحلم بالراحة
    تسلم ايديكى على الكلمات الجميلة دى

  7. لا لو على الحلم انا احلامى كتير مش تتعد ولكن

    احمد الله على كل شيئ حلو او مر

    ربنا يحققلك احلامك كلها يارب

  8. السلام عليكم و رحمة الله وبركاته
    اول زيارة
    بس ايه حكاية يارب تصلح
    هي بالفعل رائعه وتصلح ومعانيها تحفه بجد
    تسلمي يا قمر وشدي حيلك عايزين موضوعات وكلمات احلى واحلى
    ربنا يوفقك
    في رعاية الله

  9. اسراء
    انا رديت عليكى فى اخر بوست ليا
    ياريت اسمع ردك

    تحياتى

  10. ازيك اخبار المذاكره ايه

    لو البدايه جميله وحلوه كده
    يبقا لازم تثقلي موهبتك
    وما تبطليش كتابه
    بجد لطيفه وجميله والمفردات جديده
    اكتبي من قلبك وعقلك واحساسك واتكل علي الله

  11. السلام عليكم و رحمة الله و بركاته

    اسراء
    شرفتينى بزيارتك حقيقى
    و يارب مش تكون الاخيرة

    كلماتك رائعة جدا
    و رغم ان ماليش فى القالب الادبى عشان أحكم عليها
    لكن بجد احساسها رائع جدا

    أعتقد ان المعظم بيحلم اليوم
    اللى نشوف فيه بلدنا احسن بلد
    و احنا عايشين مستريحين فيها

    و ان شاء الله اليوم دا قريب

    تحياتى يا جميلة

  12. السلام عليكم

    كلمات جميلة وبدايه موفقه
    والى الامام دائما

    شكرا لزيارتك لمدونتى
    ويارب تكون عجبتك

    سلالالالالالالالالالالالالالالالالالالالالالالالالالالالالالام

  13. يعنى تطلعى زنوبه
    بجد وحشتينى وقلقتينى عليكى جدا
    طب لماانتى حابه تغيرى جلدك التدوينى قوليلى عشان ابطل ااقلق عليكى

    ولاا ايه

    منوره البلوجر يا زوزه ولاا اسراء افضل تحبى ايه

  14. جميلة اوي يااسراء اتمنالك التوفيق والتحسن

    والبقاء لله مره اخري

  15. الله ينور
    بداية موفقة وعايزين نقرأ انتاج أروع من كده

    ربنا يعينك ويرجعك

    ويبقى التواصل

  16. جميل يا اسراء….استمرى واقرى كتير فى الشعر العامى ولكل الشعراء…..واكتبى كتير علشان تجودى…..المهم ان احساسك فى الكلمات اللي فاتت واضح
    دمتى بخير…..تقبلى مرورى

  17. بدايه اكثر من رائعه
    معانى قويه بالفعل
    فقط تحتاج الى بعض التعديل فى الوزن
    استمرى بنفس الإحساس

  18. سعيد بزيارتك لمدونتي و اتمني دوام التواصل
    تحياتي

  19. Ramy Wasel
    بيعجبني فيك التفاؤل يا رامي هو عموما اللي أنا كنت بتكلم عليه هو الإغتراب و حياة الإغتراب و دول أنا عشتهم
    دمت بود

  20. اسماء واحلام فى وجدانى

    في ذهني الآمان و الطمآنينية مرطبتة بأنه البطن تنام شبعانة و الجيب فيه فلوس مش كتير بس فيه لكن الأغلبية من المصريين مش كده ..يمكن أنا و أنت و الناس اللي هنا دي كده لكن الغلابية مش كده ده أول تعليق على أول تعليق 🙂

  21. اسماء واحلام فى وجدانى
    تسلم على الكلام الجميل و يا رب أكون قده

  22. thunder
    فعلا أنا عجبني أوي كلمة العبيط في وصفك و أنا أسعد بأني تعرفت على موهبة زيك و على مدونة

  23. ادم المصرى
    يا رب يا آدم و زري ما قلت أحمد الله على كل شيء حلو و مر

  24. شمس النهار
    و الله المذاكرة كانت حتجبلي إيستنجلينا بس الحمدلله عدت على خير و إن شاء الله أطبق نصيحتك

  25. mahasen saber
    أنتي اللي وحشاني أكتر يا محاسن لسه طيبة زي ما أنت ههه مستنية جديدك وأنتي يا حبيبتي تناديني زي ما تحبي

  26. معتز شاهين – باحث تربوي
    تسلم على النصايح و إن شاء الله أتحسن

  27. فتاه من الصعيد
    شكراُ على النصايح لأنها بحد أحسن نصيخة أتقالتلي
    تسلميو مستنية جديدك

  28. فيه تاج على مدونتي

    micheal
    إن شاء الله يا مايكل أدوس 🙂
    تحياتي

  29. Ramy Wasel

    أنا أهوه سا رامي مرسي على السؤال أنا كنت مشغولة في الإمتحانات و أنت عارف الإكتئاب الإمتحانات

  30. رائعة من اجمل ماقرأت
    انها صرخة من قلب ادماه الجفا
    تحياتى لقلمك الجميل واحساسك المرهف الحس

  31. جميييييييييييييييييييييييييييييييييييييييييييييييييييييييييل جدا والله يا اسراء ايه الجمال ده

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s