أنتي كويسة ؟
أيوة
حصل إيه ؟
ولا حاجة …كنت ماشية في الشارع و لاقيت المخبرين ملمومين على واحد بيضربوه …خفت ليموت في إيديهم …رحت أحوش عنه !!!
أنتي رحتي تحوشي عنه ؟؟؟
أعمل إيه ؟؟؟ كان في قهوة بلدي …قعدت أزعق و أقولهم الراجل حيموت تحت رجليهم …ماحدش عبرني و لا عبره …فرحت أحوش عنه
أنتي رحتي تحوشي عنه و الرجالة اللي بشنبات واقفين … المهم و بعدين ؟؟
المخبرين أخدوني ضربوني أنا كمان !!!!
طب أتعورتي ؟؟؟ أنتي كويسة ؟؟؟
أيوة أنا زي الحديد ..ما حصليش حاجة خالص
و هو كويس ؟؟
هو مين ؟؟؟
الشاب و لا الراجل اللي كان بيضرب ده … تعرفيه …ممكن نسأل عليه ؟؟
ما أنا معرفتهوش ….أو جايز أكون أعرفه !!
نعم ..
ما أنا ما شفتش هو مين …من كتر المخبرين !!!
Advertisement
دا بجد دا ولا ايه ؟؟؟؟؟؟ بيفكرني باسولب التلفزيون المصري
واحد مجهول بيعمل عمل ارهابي غير معروف بتمويل من بلد مجهوله لضرب البلد في حاجه مش محدده
آه بجد … هو ماكنش فيه سحل في البلد من قبل …بعدين واضح من العنوان ..فلاش باك يعني استرجاع ذكرى …و دي مش تغطية صحفية يعني عشان تتقارن بالتلفزيون المصري !!!